Siglir tar il cuntegn
Inhalt

Exteriur Arafat n’è betg vegnì tissientà

La Procura publica franzosa excluda che l'anteriur schef dals Palestinais Jassir Arafat è vegnì tissientà.

Jassir Arafat
Legenda: Jassir Arafat è mort en la vegliadetgna da 75 onns. Keystone

Las restanzas da la materia radioactiva polonium ch'ins haja chattà en provas or da la fossa d’Arafat sajan d'origin natiral ha ditg la procuratura responsabla. Al medem resultat eran gia vegnids scienziads russ. Experts Svizzers n'avevan dentant betg exclus ina tissientada cun polonium.

Jassir Arafat è mort il 2004 a Paris. Damai che sia vaiva aveva refusà in'obducziun era la raschun da la mort stada nunclera l'emprim. Arafat è sepulì a Ramallah en la Cisjordania.

RR novitads 6:00