La regina dal soul, Aretha Franklin, è morta la gievgia en la vegliadetgna da 76 onns a Detroit. La chantadura americana saja morta en consequenza da cancer, sco che sia pledadra da medias ha ditg a l'agentura da novitads AP.
En sia carriera ch'a durà plirs decennis è Aretha Franklin vegnida undrada numerusas giadas cun Grammys. E ses hit «Respect» è daventà la fin dals onns 60 in imni – tant per il moviment afro-american sco era per l'emancipaziun da las dunnas.
RR novitads 17:00