Siglir tar il cuntegn

Header

cuntegn

Argentina Incendis da guaud pericliteschan parc naziunal

En il nord-ost da l’Argentina brischa il guaud ferm. Uss han ils incendis cuntanschì l’ur dal famus parc naziunal «Iberá». Tenor las autoritads èn ils animals e las plantas dal parc periclitadas tras ils incendis. La raschun per ils incendis è la gronda setgira. En la regiun dals incendis èn schizunt las palids setgadas ora pervi da la mancanza d’aua.

En tut èn gia barschads 7852 kilometers-quadrat guaud, pastgira e palids, quai communitgescha l'Uffizi d'agricultura argentin. «Iberá» è in territori al cunfin cun il Paraguay e la Brasilia, cun palids, lais e lagunas.

audio
Per tadlar: Las novitads da las 12:00
ord RTR Audio dals 19.02.2022.
laschar ir. Durada: 4 minutas 31 Secundas.

RTR novitads 11:00

Artitgels legids il pli savens

Scrollar a sanestra Scrollar a dretga