Siglir tar il cuntegn
Inhalt

Exteriur Armada afgana cumenza a reconquistar la citad da Kundus

L'armada afgana ha lantschà ina cunteroffensiva per reconquistar la citad da Kundus dals Taliban. Tenor il minister da defensiun afgan hajan las truppas gia reconquistà la praschun ed il quartier principal da la polizia.

Cunquai che l'eroport è adina stà sut controlla da la regenza èsi stà pussaivel da trametter relativ svelt truppas a Kundus.
Legenda: Cunquai che l'eroport è stà sut controlla da la regenza èsi stà pussaivel da trametter relativ svelt truppas a Kundus. Keystone

Las truppas afganas èn vegnidas sustegnidas da l'armada americana che ha sgulà attatgas ord l'aria.

Ils Taliban avevan conquistà Kundus ier. Mo l'eroport è adina stà sut controlla da la regenza. Uschia èsi stà pussaivel da trametter relativ svelt truppas a Kundus.

RR novitads 12:00