Armada americana lavura cun sistems da computer antiquads

Surtut las forzas nuclearas da l'armada dals Stadis Unids han anc sistems vegls e floppy-discs. Quai crititgescha la curt dals quints americana en in rapport.

Ils emprims floppy-discs avevan ina diagonala da radund 20 cm Bild in Lightbox öffnen.

Legenda da maletgs: Ils emprims floppy-discs avevan ina diagonala da radund 20 cm Keystone

In sistem da commando e da controlla en il Pentagon funcziunia per exempel sin in computer da IBM da la seria 1. Quai computer era vegnì introducì l'onn 1976. Ina pledadra dal Pentagon ha ditg a l'agentura da novitads AFP ch'il sistem vegnia il mument duvrà vinavant perquai ch'el funcziunia anc.

Remplazzar pass per pass

Tenor il rapport planisescha il ministeri da defensiun da remplazzar il sistem la fin dal 2020. Ils floppy-discs duain gia svanir la fin dal 2017.
Era en il ministeri da finanzas vegnan anc duvrads sistems antiquads. Ils custs per mantegnair quests sistems antiquads sajan gronds, recloman ils revisurs da quints.

RR novitads 7:00