Legenda:
L'armada siriana vul sustegnair la YPG curda en il nord da la Siria.
Keystone
cuntegn
Exteriur - Armada siriana sustegna Curds cunter la Tirchia
L'armada siriana ha dischloccà truppas en la citad Manbidsch, en il nord dal pajais. Il commando general da l'armada ha communitgà che las truppas veglian francar la suveranitad sin l'entir territori da la Siria.
La regiun en il nord da la Siria vegn controllada da la millissa curda YPG ch'è vegnida sustegnida fin uss da l'armada americana. Avant aveva la YPG dumandà il sustegn da l'armada siriana.
L'emna passada ha il president american Donald Trump annunzià da retrair las truppas americanas, sinaquai ha il president tirc, Recep Tayyip Erdogan smanatschà da vulair stgatschar ils Curds ord questa regiun.
