La pausa da cumbat ha cummenzà mardi saira ed avess gì da cuzzar 5 dis. Per motivs umanitars aveva l’Arabia Saudita annunzià la pausa da cumbat l’emna passada. Ils rebels schiits da Huthi eran sa declerads pronts da sa tegnair vid l'armistizi.
Gia blers morts dapi il mars
En il pajais sidarabic han lieu cumbats tranter rebels da Huthi ed aderents dal president Abed Rabbo Mansur Hadi. Dapi la fin mars bumbardescha ina coaliziun militara saudiaraba posiziuns e deposits d’armas dals Huthis.
Tenor indicaziuns da l’ONU han 1'500 persunas pers lur vita. Tranter las unfrendas sajan almain 646 civilists. La pausa da cumbat duaja oravant tut garantir furniziuns d’agid per la populaziun.
RTR novitads 8:00