Siglir tar il cuntegn

Header

Purtret d'ina chasa destruida ed in um che stat davantvart.
Legenda: Il Jemen ha patì da las attatgas dals ultims mais. Keystone
cuntegn

Exteriur Armistizi da trais dis en il Jemen

Las Naziuns Unidas han annunzià ina pausa da cumbat per il Jemen. A partir da mesemna duaja quella valair almain per trais dis. Quai ha ditg il represchentant spezial da l’ONU per il Jemen. Las partidas da conflict hajan empermess da respectar la pausa da cumbat.

En il Jemen dura dapi il mars 2015 ina guerra civila ch’ha chaschunà fin uss passa 10'000 unfrendas, tranter quellas 4'000 civilists. In'allianza sut il commando da l’Arabia Saudita sustegna il president Abd-Rabbu Mansur Hadi en il cumbat cunter ils rebels da Huthi che vegnan sustegnids da l’Iran. Era las organisaziuns terroristicas «Stadi islamic» ed «Al-Kaida» nizzegian il vacum da regenza.
RR novitads 06:00

Dapli da Exteriuravrir la Landingpage

Nach links scrollen Nach rechts scrollen