Dus manaders dal moviment d'independenza catalan èn vegnids arrestads. Quai ha decidì ina derschadra da la curt constituziunala a Madrid. Quella è responsabla per la persecuziun da grevs delicts. Cunter ils dus umens vegn investigà pervi da cumportament revoluziunar. Omadus umens èn a la testa da duas organisaziuns ch'èn s'engaschadas per l'independenza da la Catalugna ed èn stadas participadas a la planisaziun dal referendum dal prim d'october. Fin che las investigaziuns èn a fin ston els restar en fermanza.
La regenza regiunala catalana ha crititgà la decisiun. Ils dus manaders sajan praschuniers politics, ha ditg il schef da la regenza catalana, Carles Puigdemont. Els hajan sulettamain appellà a protestas paschaivlas.
RR novitads 10:00