Siglir tar il cuntegn

Header

Manuel Rosales.
Legenda: Rosales (san.) è vegì arrestà curt suenter arrivar a la plazza aviatica a Maracaibo, Venezuela. Keystone
cuntegn

Exteriur Arrestà ex-manader da l'opposiziun en Venezuela

En la Venezuela è il politicher da l'opposiziun Manuel Rosales vegnì arrestà curt suenter ch'el è turnà or da l'exil. Quai ha communitgà la procura publica.

Rosales era fugì avant 6 onns en il Peru pervi da renfatschas da corrupziun. El refusescha questas renfatschas e sa vesa sco unfrenda d'ina campagna cunter sia persuna. L'emna passada aveva el annunzià da turnar enavos en sia patria pervi da las elecziuns parlamentaras il december.

Rosales valeva sco concurrent da l'anteriur president venezolan Hugo Chavez. Il 2006 aveva el pers cleramain las elecziuns cunter Chavez. Dapi la mort da Chavez il 2013 è Nicolás Madura president da la Venezuela.

RR novitads 09:00