Siglir tar il cuntegn

Header

Policists franzos sin ina via, durant la notg.
Legenda: Policists blocheschan ina via ad Argenteuil datiers da Paris. Keystone
cuntegn

Exteriur Arrestaziun anti-terror en la Frantscha

La polizia franzosa ha disfatg plans per in attentat, dus dis suenter las attatgas da Brüssel.

La polizia haja arrestà ina persuna, ed ils plans per l’attentat eran gia avanzads, quai tenor infurmaziuns dal minister da l'intern franzos Bernard Cazeneuve. La persuna arrestada saja Franzosa, ed ella vegnia suspectada da tutgar tar ina rait militanta.

Controllà abitaziun datiers da Paris

Durant che Cazeneuve ha infurmà en in pled a la televisiun davart l’arrestaziun, era la polizia franzosa vid intercurir ad Argenteuil, en l'aglomeraziun da Paris, in appartament en ina chasa d’abitar.

Chattà material explosiv

L'emettur da radio France Info ha rapportà, che l'um arrestà saja vegnì sentenzià en Belgia perquai ch'el era commember d'ina gruppa islamistica. Ed in emettur da televisiun ha annunzià, che la polizia haja chattà en l’abitaziun dal suspectà material explosiv.

RR Novitads 06:00

sda/reuters/ba

Artitgels legì il pli savens

Nach links scrollen Nach rechts scrollen