Siglir tar il cuntegn

Header

Man che piglia ad in um la bursa or dal satg davos da las chautschas.
Legenda: Las restricziun da corona han er gì in effect positiv: Ils enguladitschs da tastga en citads èn sa reducids marcantamain. Keystone
cuntegn

Aspect positiv da pandemia La criminalitad en citads grondas è tschessada

Sco effect positiv da las mesiras per franar la derasaziun dal coronavirus è la criminalitad en las citads grondas sa reducida. A questa conclusiun vegn in studi da l'universitad da Cambridge. Ils scienziads han intercurì quants delicts sco enguladitschs, assagls, infracziuns u mazzaments ch'èn vegnids registrads avant e durant las restricziuns pervi da corona. Perquai han els prendì sut la marella 27 citads – tranter auter Barcelona, Chicago, Sao Paulo, Londra e Turitg.

En la media da tut las citads hai dà 37% damain crims. Ils enguladitschs ord tastga èn uschia per exempel sa reducids per quasi la mesadad. Er enguladitschs dad autos hai dà var 40% damain. Il dumber d'assagls è sa diminuì en media per 35%. Ils delicts da mazzaments èn dentant tschessads be per 14%. Tenor ina da las auturas dal studi, saja la raschun per quella pli pitschna reducziun, ch'ina signifitganta cumpart dals mazzaments capitia en bleras societads a chasa.

Ord l'archiv:

video
Tranter bun e nausch – la lavur da la polizia ozendi
Or da Cuntrasts dals 02.02.2020.
laschar ir

RTR novitads 06:00

Artitgels legids il pli savens

Scrollar a sanestra Scrollar a dretga