Siglir tar il cuntegn

Header

Il president da la Siria, Baschar al-Assad, durant l’intervista cun la RAI.
Legenda: Il president da la Siria, Baschar al-Assad, durant l’intervista cun la RAI. Keystone
cuntegn

Exteriur Assad na pensa betg vid ina sperta surdada da la pussanza

Il president da la Siria, Baschar al-Assad na pensa betg vid ina sperta surdada da la pussanza sco quai ch'il vest spera. Ord sia vista stoppian ils rebels l'emprim vegnir stgatschads enavos.

Uschè ditg ch'ils terrorists conquistian regiuns en la Siria, na possian ins politicamain cuntanscher nagut, ha ditg Assad envers l'emettur da televisiun talian RAI.

Suenter la conferenza internaziunala davart la Siria aveva il minister da l'exteriur american John Kerry ditg ch'ins saja be anc paucas emnas davent da la pussaivladad per ina gronda midada en Siria.

Russia ha preschentà resoluziun

La Russia ha entant preschentà al cussegl da segirezza da las Naziuns Unidas ina resoluziun per cumbatter la milissa da terror Stadi Islamic. I sa tracta qua d'ina versiun actualisada cun la quala i vegnia reagì sin las attatgas a Paris e sin l'aviun da passagiers russ, han ditg diplomats.

Suenter ils attentats a Paris aveva er la Frantscha annunzià in tal sboz da resoluziun. Quel vegnia ad esser curt, ferm e cun in focus sin il cumbat encunter lur inimi communabel, uschia l'ambassadur franzos, François Delattre.

Dapli da Exteriuravrir la Landingpage

Nach links scrollen Nach rechts scrollen