Avant ina victoria da las truppas da la regenza na vegnia quai betg a dar midadas politicas, ha ditg al-Assad en in discurs cun schurnalists dal vest sco quai che la «New York Times» rapporta.
Al-Assad vesa ils Stadis Unids sco motor per las activitads sanguinusas en Siria che sustegnia la miliza da terror Stadi Islamic ed auters extremists militars. «Buna regenza u nauscha regenza, igl n’è betg lur missiun» crititga Assad mintga intervenziun dal vest.
Malgrà tut vegnì er vinavant manà in dialog via «differents chanals», schizunt cun ils Stadis Unids. «Ma quai na vul betg dir che nus dain si nossa suveranitad u midain la Siria en in stadi da marionettas» citescha l’agentura da novitads svizra sda Assad tenor la gasetta.
RR novitads 08:00