Siglir tar il cuntegn

Header

Navigaziun

Purtret da la tavlina cun si il logo da l'ambassada.
Legenda: En questa ambassada sa chatta Assange pil mument a Londra – dentant senza access a l'internet. Keystone
cuntegn

Exteriur Assange sto star senza internet

Julian Assange, il fundatur da la plattafurma da scuverta Wikileaks, n’ha il mument nagin access d’internet pli. Quai ha confermà il ministeri da l’exteriur da l’Ecuador.

La raschun ch'el stoppia star senza internet, sajan publicaziuns da Wikileaks davart la candidata per il presidi american, Hillary Clinton. Quests documents influenzeschian il cumbat electoral en ils Stadis Unids. La regenza da l’Ecuador però na sa maschaidia betg en en quest cumbat e na sustegnia nagin dals candidats – argumentescha la regenza la bloccada.

Julian Assange viva dapi il 2012 en l’ambassada ecuadoriana a Londra per betg vegnir extradì ni a la Svezia ni als Stadis Unids. En Svezia ed en ils Stadis Unids spetgan el intgins cas da dretgira. Era quatter onns suenter sia fugia en l'ambassada dal Ecuador a Londra na datti anc nagina fin.

RR novitads 06:00