Assassinat Nemzow – UE pretenda inquisiziun internaziunala

Suenter l'assassinat dal politicher d'opposiziun russ Boris Nemzow pretenda il parlament da l'UE in’inquisiziun independenta ed internaziunala dal delict.

Ina dunna russa passa sper il purtret da Boris Nemzow a Moscau. Bild in Lightbox öffnen.

Legenda da maletgs: Ina dunna russa passa sper il purtret da Boris Nemzow a Moscau. Keystone

Latiers possian contribuir l'Organisaziun per la segirezza e la cooperaziun en l'Europa OSCE e las Naziuns Unidas, hai num en la resoluziun dal parlament. Las organisaziuns disponian dals instruments necessaris per in'examinaziun nunpartischanta e gista.

Il parlament da l'UE ha plinavant crititgà la situaziun politica en Russia. Il «clima dad odi» envers opponents ed activists da dretgs umans saja s'augmentà marcantamain ils ultims onns, instigà da las medias e da la propaganda statala.

RR Novitads 17:00