Siglir tar il cuntegn

Header

Navigaziun

saramentaziun.
Legenda: Keystone
cuntegn

Exteriur Astana da nov Nursultan – Chapitala da Casachstan mida num

La chapitala dal Casachstan na sa numna betg pli Astana mabain Nursultan, tenor l'anteriur president Nursultan Nasarbajew. Suenter che lez è stà prest 30 onns a la pussanza, ha el declerà surprendentamain ch'el sa retiria.

Suenter che Nursultan Nasarbajew ha declerà ch'el sa retiria, ha ses confident Kassym-Schomart Tokajew surpiglià las funcziuns d'uffizi. El ha er proponì da midar il num da la chapitala. Sinaquai han omaduas chombras parlamentaras approvà la midada.

Pliras midadas da num

Dapi il 1997 è la citad che sa numna uss Nursultan la chapitala da Casachstan, in pajais en l'Asia Centrala. Gia avant ha la citad adina puspè survegnì in auter num. L'emprim Akmolinsk, dapi il 1961 Zelinograd, il 1992 Akmola, il 1998 Astana ed uss Nursultan.

RR novitads 11:00