Siglir tar il cuntegn

Header

cuntegn

Astronomia Questa fin d'emna èsi da quintar cun stemprads geomagnetics

Questa fin d'emna èsi da quintar cun stemprads geomagnetics. Quai pervi d'erupziuns dal sulegl la gievgia e venderdi. Il center per prognosas da l'aura spaziala dals Stadis Unids quinta cun stemprads da la categoria G1, intensitad pitschna, u G2, intensitad moderada.

La categoria G2 po avair influenza sin la rait da func sco era chaschunar donns vi da transfurmaturs d’electricitad. Plinavant possian ins uschia vesair glischs polaras fin lunsch en il sid – era tar nus.

Sonneneruption am 14. Dezember
Legenda: La NASA ha publitgà maletgs dal mument da l'erupziun sin il sulegl dals 14 da december. NASA

Tut las erupziuns coronalas ch'arrivian sajan sdrappadas davent dal flatg da sulegl AR3514, che flommegia bunamain constantamain dapi ils 13 da december. L’erupziun coronala dals 14 da december pudessa tanscher per chaschunar questa fin d’emna in stemprà geomagnetic.

Or da l'archiv:

video
La glisch polara
Or da Minisguard dals 12.03.2016.
laschar ir. Durada: 2 minutas 36 Secundas.

RTR novitads 14:00

Artitgels legids il pli savens