Siglir tar il cuntegn
cuntegn

Exteriur Athen metta en dumonda restituziun d’emprests da stadi

La Grezia metta en dumonda da pajar enavos emprests da stadi da 6,7 milliardas euros che la Banca centrala europeica ha da bun e che fissan da pajar enfin la stad.

Giannis Varoufakis
Legenda: Giannis Varoufakis declera la guerra als ritgs ed als fugitivs fiscals. Keystone

Il minister da finanzas, Gianis Varoufakis ha ditg en in'intervista a la televisiun ch'el veglia negoziar davart ils emprests. Cun tge finamira ha el dentant laschà avert.

Prolungà program d'agid

Venderdi aveva il Bundestag tudestg approvà da prolungar il program d'agid current enfin la fin da zercladur. Premissa per quai è stà il consentiment da la Grezia d'ademplir tut las obligaziuns.

Varoufakis smanatscha als ritgs

Il minister da finanzas grec Varoufakis ha plinavant declerà la guerra als burgais ritgs da ses pajais ed als fugitivs fiscals. Sia regenza s’interesseschia per quels Grecs che hajan daners, «mo n’hajan mai pajà», ha Varoufakis ditg a l’emettur da televisiun Skai. «Els èn nossa finamira e nus vegnin betg a mussar cumpassiun», ha el smanatschà.

RR novitads 18:00