Il minister da finanzas grec Yanis Varoufakis ha empermess al Fond monetar internaziunal IWF da pajar enavos in credit da var 450 milliuns euros la gievgia che vegn. Quai ha annunzià la schefa dal IWF Christine Lagarde.
Lagarde e Varoufakis èn sa scuntrads a Washington per discutar il program da refurmas da la Grezia. Sco Lagarde scriva en ina decleranza, veglia il Fond monetar vinavant gidar la Grezia da returnar sin ina via duraivla dal creschament e da l'occupaziun.
