Dus dis suenter il referendum en la Grezia sa radunan a Brüssel ils politichers dals 19 stadis da l'euro. Els vulan tschertgar vias or da la crisa da daivets che daventa adina pli critica.
L'emprim vegnan ils ministers da finanzas dals stadis da l'euro a discutar sch'els vulan contractar cun Athen davart in nov program d'agid. Pli tard s'inscuntran ils schefs dals stadis e da las regenzas dals stadis da l'euro. Quels spetgan da la Grezia propostas co schliar la crisa da daivets.
