Persunas transgendras en l'atletica leva na dastgan betg pli sa participar a concurrenzas d'elita da las dunnas, tenor la federaziun internaziunala. La regla vala per persunas ch'han midà il gender d'um a dunna suenter la pubertad.
Plinavant sbassa la federaziun la limita maximala per l'ormon testosteron. Quai pudess tranter auter pertutgar Caster Semenya, campiunessa mundiala ed olimpica sur 800 meters. Semenya ha da natira or in aut nivel da testosteron, sco er autras persunas naschidas intersexualas.
Tge ès intersexualitad?
Avrir la boxSerrar la box
Persunas intersexualas èn persunas ch'han variaziuns en il svilup corporal dal gender. Ellas han pia caracteristicas corporalas dal gender che n’èn betg exclusivamain masculinas u femininas. Quai sa esser sin basa dals cromosoms, dals ormons u dals genitals.