Siglir tar il cuntegn

Header

cuntegn

Exteriur Atmosfera tendida tranter Kerry e Lawrow

Ils ministers da l'exteriur dals Stadis Unids e da la Russia èn s'inscuntrads a Genevra per in discurs davart il svilup en la crisa da l'Ucraina.

Tar l'inscunter en atmosfera tendida tranter John Kerry e Sergej Lawrow saja er ì per il conflict en il Proxim Orient e per las tractativas davart il program d'atom cun l'Iran, quai han declerà diplomats a l'ur da la sesida dal Cussegl per dretg umans da l'ONU.

Kerry aveva avant curt renfatschà a represchentants russ da dir manzegnas ad el.

Gia passa 6’000 morts en il conflict da l’Ucraina

En il conflict da l'Ucraina èn morts enfin ussa passa 6’000 schuldads e civilists tenor stimaziuns da las Naziuns Unidas. Sulet ils cumbats curt avant che l'armistizi saja ì en vigur, hajan chaschunà pliras 100 unfrendas. Il rapport actual davart la situaziun umanitara en l'ost da l'Ucraina mussia in maletg dad ina destrucziun senza schanetg da la vita da civilists e da l'infrastructura.

RR novitads 11:00

Artitgels legids il pli savens