- La polizia britannica ha identifitgà l'attentader supponì da Manchester. I sa tractia da Salman Abedi ch'aveva 22 onns.
- Dapli indicaziuns che num e vegliadetgna da l'attentader na fa la polizia per il mument betg. Prioritad haja uss la dumonda, sche l'um haja agì sulet u sch'el fascheva part d'ina rait.
- Tenor las autoritads da la Gronda Britannia na datti nagin dubi pli, che l'attatga da Manchester saja in act terroristic.
- Da las 59 persunas blessadas èn pliras anc en privel da vita.
- La milissa terroristica Stadi islamic ha reclamà l'attatga a Manchester per ella.
- La polizia investighescha anc, schebain l'attentader ha agì sulet u sco part d'ina rait.
- La polizia ha confermà ch'in attentader da suicidi è responsabel per l'attatga. L'um è morts.
- 22 morts e 59 blessads
- L'explosiun è stada ora avant la hala da concert, nua che blers geniturs spetgavan sin giuvenils ed uffants che han visità il concert.
La primministra da la Gronda Britannia Theresa May ha confermà che l'attatga saja propi stada ina attatga da terror. Perditgas han rapportà d'ina gronda explosiun curt suenter il concert da la chantadura americana Ariana Grande. L'explosiun è stada tenor pliras perditgas en il foyer da la sala da concert.
Suenter l’explosiun a Manchester è il cumbat electoral vegnì interrut. Ils 8 da zercladur èn previsas en la Gronda Britannia las elecziuns dal parlament.
Spezialists èn s’inscuntrads a Londra
La primministra Theresa May ha ditg che ses patratgs sajan tar las unfrendas e lur famiglias. A Londra èn spezialists d’antiterror s’inscuntrads per valitar la situaziun.
Naginas unfrendas svizras
Il Departament federal dals affars dal exteriur han confermà che quai na dettia naginas unfrendas svizzras tar quest attentat a Manchester.
Blers presidents e presidentas dals stadis han condolà a las famiglias da las unfrendas. Era la presidenta da la Confederaziun Doris Leuthard ha condolà a las famiglias e condemnà las attatgas da terror.
RR novitads 06:00