Suenter in'attatga cun cuntè a Londra ha la polizia sajettà giu l'um suspectà che purtava in'attrappa da bumba. L'um ha attatgà e blessà pliras persunas, intginas dad ellas sajan blessadas grevamain. L'incident saja capità en il center da la chapitala britannica sin la London Bridge e vegnia tractà sco act terroristic, ha communitgà Scotland Yard. Passants hajan empruvà da retegnair l'um e la polizia ha lura sajettà sin el. L'attatgader saja mort anc en il lieu.
L'incident è capità il venderdi suentermezdi a las 14:00. Anc sajan las circumstanzas betg cleras. La punt è vegnida serrada.
video
La «London Bridge» è serrada
Or da News-Clip dals 29.11.2019.
laschar ir. Durada: 18 Secundas.
RTR novitads 18:00
