Datiers da la chapitala siriana Damascus hai probabel dà in'attatga cun in gas toxic. Quai scriva l'Organisaziun per il scumond d'armas chemicas en ses rapport per mauns dal Cussegl da segirezza da l'ONU.
Tenor quest rapport èn 4 schuldads da l'armada siriana avant in onn probabel vegnids en contact cun il gas toxic «Sarin» u ina substanza sumeglianta. Quai hajan tests dal sang dals schuldads demussà.
Co ils schuldads èn vegnids en contact cun il gas, na saja dentant betg cler. Er sin la dumonda tgi ch'haja duvrà il gas, na fa il rapport naginas indicaziuns.
