Siglir tar il cuntegn

Header

Navigaziun

cuntegn

Exteriur Attatga cun in auto a Tokio

A Tokio è in automobilist charrà en ina zona da cumpra e ha blessà almain 9 peduns. Quai rapportan medias localas.

Policists che investigeschen.
Legenda: Forzas d'intervenziun fan retschertgas pervi da l'attatga d'in um cun in auto: 9 peduns èn vegnids blessads. Reuters

L'automobilist saja arrestà ed haja ditg a la polizia ch'el haja vulì far in'attatga terroristica, rapporta l'agentura da novitads Kyodo. Tenor quai haja l'um da 21 onns vulì far vendetga per in'execuziun e n'haja mussà nagina ricla. Betg cler è sche la gritta da l'um sa drizza cunter ina singula execuziun u cunter il sistem da la paina da mort insumma.

36 execuziuns

Il Giapun tutga anc tar in dals paucs pajais industrials che insista sin la paina da mort. L'emna passada ha la regenza laschà executar dus assassins ed il fanadur plirs commembers da la secta Aum Shinrikyo. Per critica internaziunala n'ha il primminister Shinzo Abe nagina ureglia.

RR novitads 06:00