Siglir tar il cuntegn

Header

cuntegn

Attatga en gimnasi In mort e plirs blessads tar attatga cun cuntè en Frantscha

  • Ad Arras en la Frantscha dal nord ha in attatgader mazzà ina persuna e blessà ulteriurs cun in cuntè.
  • Il delinquent saja vegnì arrestà, communitgescha il minister da l'intern franzos Gérald Darmanin.
  • Ils motivs per il malfatg n'èn anc betg clers. La procura publica d'antiterror ha tenor atgnas indicaziuns surpiglià las investigaziuns.
  • En Frantscha vala suenter l'attatga il pli aut stgalim da terror.
  • Fin glindesdi saira vul la regenza mobilisar fin 7’000 schuldads en l'entir pajais.

    Ad in gimnasi en Frantscha ha in um mazzà ina persuna e blessà duas ulteriuras. La polizia haja arrestà il delinquent supponì suenter l'attatga en il gimnasi en la citad dad Arras, ha communitgà il ministeri da l'intern franzos. L'um haja stilettà ina persuna d'instrucziun e blessà in'ulteriura ed ina guardia.

Entant han surpiglià las investigaziuns la procura publica statala per il cumbat da terrorissem. Dapli infurmaziuns confermadas na datti betg.

L'attatgader è gia crudà si pli baud

«Le Figaro» sa referescha sin il ministeri da l'intern che l'attatgader e ses frar – ch'è medemamain vegnì arrestà – derivian da la Tschetschenia. Il delinquent saja gia sin ina glista en ina datoteca per persunas radicalisadas ed haja dapi in pèr emnas fatg quitads a las autoritads da segirezza.

audio
Per tadlar: las novitads da las 14:00
ord RTR Audio dals 13.10.2023.
laschar ir. Durada: 2 minutas 29 Secundas.

RTR novitads 14:00

Artitgels legids il pli savens

Scrollar a sanestra Scrollar a dretga