Passa 48 uras suenter il cumenzament d'ina attatga sin ina basa da l’aviatica militara en l'India èsi danovamain stà d'udir sajets ed explosiuns sin l'areal. Dals cumbats èn morts la fin d'emna 7 schuldads e 4 attatgaders.
Almain in attatgader saja anc adina sin il vast areal che sa chatta al cunfin cun il Pakistan. Quai rapportan medias indigenas. Ils attatgaders sajan probabel extremists pakistans.
Pir avant paucs dis aveva il schef da la regenza inda, Narendra Modi, visità surprendentamain il grond inimi Pakistan per discurs da pasch.
