El na dia betg ch'ins vegnia a far quai. Ils Stadis Unids vegnian però ad examinar la chaussa, ha ditg Trump. Il president american aveva gia ordavant renfatschà a l'Organisaziun mundiala da sanadad (WHO) d'avair desditg en il cumbat encunter la pandemia da corona. La WHO haja probabel savì dapli che quai ch'ella haja ditg.
Plinavant saja l'organisaziun sa focussada memia fitg sin la China e quai malgrà ch'ils Stadis Unids pajan ina gronda part dal budget da l'organisaziun, uschia Trump.