Siglir tar il cuntegn
Inhalt

Exteriur Attatga sin basa militara americana en l'Afganistan

Tar in'attatga sin la pli gronda basa militara americana èn almain 4 persunas mortas e 14 blessadas. Quai ha communitgà la NATO. La milissa radical-islamica dals Taliban ha ditg ch'ella saja responsabla per questa attatga.

Autos militars sin via en la pli gronda basa militara americana en l'Afganistan.
Legenda: Sin la pli gronda basa militara americana en l'Afganistan ha i dà in attentat da suicidi. Keystone

L'explosiun è succedida la damaun da las 5:30 (temp local) a Bagram en il nord da la chapitala afgana Kabul. Tenor rapports da medias saja in um ch'era vestgì sco lavurer vegnì en la basa e saja sa siglientà en l'aria. In pledader dals Taliban ha confermà ch'i sa tractia d'in attentat da suicidi.

Il mument sajan teams da medis e persunas da segirezza en acziun. Il general american John Nicholson ha condolà als confamigliars da las unfrendas ed empermess ch'i fetschian tut il pussaivel per salvar ils blessads.
Bagram è radund 40 kilometers en il nord da Kabul. En tut èn anc radund 10'000 schuldads americans en l'Afganistan.

RR novitads 7:00