Siglir tar il cuntegn
cuntegn

Exteriur Attatga sin parsura da AfD Bremen

En Germania è il parsura da la AfD Bremen e deputà dal parlament, Frank Magnitz vegnì attatgà da pliras persunas. Tar l'attatga saja il politicher da la dretga vegnì blessà grevamain, communitgescha la polizia da la Germania.

Frank Magnitz en il parlament tudestg.
Legenda: Parsura da la AfD Bremen e deputà dal parlament tudestg, Frank Magnitz. Keystone

L'attatga saja succedida il glindesdi suentermezdi en la citad da Bremen. La polizia va da quai anora che l'acziun saja stada motivada politicamain. La protecziun dal stadi e la procura publica da Bremen hajan instradà in'enquista.

Tenor indicaziuns da la AfD Bremen saja Magnitz vegnì attatgà da trais umens cun si mascras. Quels hajan pitgà sin il politicher da la dretga cun in lain, fin che Magnitz haja pers la schientscha. A la fin haja in lavurer da construcziun intervegnì.

RR novitads 06:00