Exteriur - Attatgas cun armas grevas en l’ost da l’Ucraina
Ils observaturs da l'organisaziun per segirezza e collavuraziun en Europa, OSCE, han confermà ch'i haja dà ils ultims dis attatgas cun armas grevas en l'ost da l'Ucraina.
Ils separatists sustegnids da la Russia hajan tranter auter duvrà chanuns da caliber grond en la regiun da Donezk. L'armada ucranaisa haja reagì cun cunterattatgas. Il plan da pasch da Minsk aveva pretendì da bandischar tut las armas grevas ord la regiun da conflict. Ier era la situaziun escalada datiers da Donezk.
