Siglir tar il cuntegn

Exteriur Attentader da Reagen duai puspè vegnir liber

John Hinckley, l'um ch'a fatg avant 35 onns in attentat sin il president american Ronald Reagan, po bandunar la clinica psichiatrica. Quai ha decidì ina dretgira a Washington.

John Hinckley il 2003 sin via a la dretgira districtuala a Washington.
Legenda: Foto da John Hinckley dal 2003 durant ch'el è sin via a la dretgira districtuala a Washington. Keystone/archiv

El na saja betg pli in privel per sa sez u per la publicitad, hai num en l'argumentaziun da la dretgira. John Hinckley che ha oz 61 onns aveva sajettà il 1981 sin Reagan. Er il pledader da Reagan e duas persunas da segirtad eran vegnidas blessadas. In onn pli tard aveva ina dretgira da giuraders declerà liber l'attentader, damai ch'el na saja betg stà abel da giuditgar. Dapi lura viva el en ina clinica psichiatrica.

RR novitads 17:00