En Belgia ha ina dretgira sentenzià plirs umens a chastis d’arrest da blers onns. Avant set onns sajan els stads cun-responsabels per las attatgas terroristicas en la chapitala Brüssel. Ils umens eran gia avant in temp vegnids declerads culpants, tranter auter pervi da mazzament terroristic.
Legenda:
Destrucziun suenter l'explosiun d'ina bumba ils 22 da mars 2016 a Brüssel.
Keystone
Uss ha la dretgira pronunzià il chasti: Ils sentenziads ston ir tranter 20 onns fin a vita duranta en praschun. Da las attatgas terroristicas il 2016 a l’eroport ed ina staziun da la metro èn 35 persunas vegnidas mazzadas. Passa 300 èn vegnidas blessadas.
audio
Per tadlar: las novitads da las 07:00
ord RTR Audio dals 16.09.2023.
laschar ir. Durada: 5 minutas 35 Secundas.