Exteriur - Attentat da terror a la plazza aviatica da Kabul
En l'Afghanistan hai dà in attentat da suicidi. Tenor infurmaziuns uffizialas è l'attentat succedì datiers da la plazza aviatica da la chapitala Kabul. Ina persuna saja vegnida per la vita.
La finamira da l'attentat saja stà in convoi militar da l'exteriur. Tgi che responsabel per l'attentat n'è anc betg enconuschent. Las emnas passadas aveva quai dà differentas attatgas ed attentats en l'Afghanistan. Responsabla per quels era la milissa islamistica dals Taliban.