Dunsainas da persunas èn suenter las attatgas anc adina en stadi critic. Quai rapporta il post d’observaziun per ils dretgs umans sirian, che stà strusch a l’opposiziun. Duas explosiuns en il quartier dad Al-Schagur han stremblì la sonda in lieu da pelegrinadi schiit.
Victimas per gronda part pelegrins iracais
Sco quai che las autoritads han rapportà è la gronda part dals morts e dals blessads pelegrins schiits da l’Irac. La communitad internaziunala stoppia condemnar quest crim terroristic sin civilists iracais ha ditg il ministeri da l'exteriur da l’Irac. Las attatgas èn vegnidas fatgas sin ils bus dals pelegrins.
Anc nagin è sa declerà responsabel per las attatgas actualas
Attatgas sumegliantas èn idas en il passà savens sin il conto da la milissa da terror islamistica IS, ch’è sunnita e sa vesa uschia en opposiziun encunter ils schiits. Per las attatgas actualas sin ils pelegrins a Damascus n’è sa declerà responsabel anc nagin.
RR novitads 12:00+