Sco la UNICEF, l' Ovra d'agid per uffants da las Naziuns Unidas, e l'Organisaziun mundiala da la sanadad ha communitgà il mardi, haja pli che la mesadad da la populaziun mundiala (4,2 milliardas persunas) nagin provediment sanitar cun tualettas igienicas. Trais milliardas umans n'hajan gnanc la pussaivladad da lavar ils mauns a chasa.
Il rapport dad Unicef e WHO di bain ch'i saja vegnì fatg progress areguard il provediment d'aua, tualettas ed igiena. Quels progress sajan dentant repartids inegualmain ed i dettia anc grondas mancanzas tar la qualitad dal provediment.
Dapi il 2000 hajan sin l'entir mund 2,1 milliardas persunas dapli survegnì access ad in provediment da basa cun installaziuns sanitaras. Radund 2 milliuns umans n'hajan dentant anc adina nagina tualetta igienica u latrina a disposiziun.
RR novitads 06:00