Confruntads cun in nov augment da las infecziuns da corona, ston adina dapli scolas en l'Israel puspè serrar. Tar 330 scolars e scolasts han ins chattà il virus. Pli che la mesadad dals infectads è a Jerusalem. Passa 16'000 scolars e scolasts èn a chasa en quarantina. Uss vul la regenza ponderar da nov ulteriuras schluccadas da las mesiras planisadas.
L'Israel aveva decis mesiras severas a l'entschatta da l'unda da corona, quai cun success. Cun schluccar las reglas, avevan las scolas avert avant in mais.