Siglir tar il cuntegn

Header

cuntegn

Augment da novas infecziuns En pliras parts da l'Austria vala 2G

En l’Austria s’augmenta il dumber da novas infecziuns cun il coronavirus marcantamain. Perquai vegnan las mesiras da corona en pliras parts dal pajais rinforzadas: Suenter la Steiermark ed il Tirol na dastgian persunas betg vaccinadas u guaridas er en l’Austria Auta e Kärnten sut circumstanzas betg pli ir en ustarias e bars u visitar occurrenzas pli grondas. Quai er betg cun in test negativ.

Quai han decis ils Bundesländer. Las mesiras van en vigur ils 8 da november, a Kärnten gia ils 4 da november.

Reglas pli strictas

Las reglas valan en la gastronomia da notg e tar occurrenzas senza in plaz fix cun dapli che 500 persunas. Prender part a l'occurenza pon lura be pli vaccinads u guarids. En bleras parts vegn cumandà da purtar ina mascrina da FFP2. Las controllas duain vegnir rinforzadas.

Ord l'archiv da SRF

Suenter che Ischgl en il Tirol valeva il 2020 sco corona hotspot vul l'Austria ussa betg pli s'exponer ad ina ristg.

video
Austria rinforza reglas da corona, Svizra targlina
Or da SRF News dals 21.09.2021.
abspielen. Laufzeit 1 minuta 40 Sekunden.

RTR novitads 06:00

Artitgels legids il pli savens

Scrollar a sanestra Scrollar a dretga