L’onn passà èn radund 200milli persunas mortas pervi dal virustgel. Quai saja in augment signifitgant, constatescha l'Organisaziun mundial da la sanadad WHO e l’autoritad da sanadad americana. Cumpareglià cun il 2016 correspunda quai ad in augment da 50 pertschient. Lura avevi dà uschè paucs cas da virustgel sco anc mai.
Africa ferm pertutgà
Quai saja tut mortoris ch'ins avess pudì evitar, ha ditg Natasha Crowcroft, experta da la WHO. Ferm pertutgà dal virustgel saja vinavant l'Africa. Vinavant tema la WHO, ch'en pajais povers na saja betg pli pussibel da virolar uffants dus giadas. Il coronavirus dovria bleras capacitads. Pir suenter la segunda virolaziun vala in uffants sco immun encunter il virustgel.
Enfin ch’il vaccin cunter il virustgel è vegnì introducì il 1963 èn mintg’onn radund 2,6 milliuns persunas mortas en consequenza da la malsogna.
