Exteriur - Aung San Suu Kyi gudogna maioritad absoluta
Tar las elecziuns dal parlament en il Myanmar ha la purtadra dal premi Nobel Aung San Suu Kyi gudagnà la maioritad absoluta cun sia partida «Liga naziunala per la democrazia». Quai communitgescha la cumissiun electorala. Uschia po la partida nominar il proxim president.
La novitad è arrivada exact sin il di 5 onns suenter che la junta militara da lura aveva relaschà Aung San Suu Kyi da l'arrest da chasa. Tar la prima elecziun libra dapi 25 onns la dumengia ha la partida regenta ch'è datiers al militar stuì prender encunter ina clera terrada.
