Australia: Elecziuns parlamentaras senza victur

Suenter che radund la mesadad da las vuschs èn dumbradas, manchentan tant la coaliziun regenta conservativa sco er l'opposiziun da sanestra la maioritad absoluta.

Pledader. Bild in Lightbox öffnen.

Legenda da maletgs: La coaliziun conservativa dal primminister Malcolm Turnbull manchenta probabel la maioritad absoluta. Reuters

Da las elecziuns parlamentaras en l’Australia na datti il mument anc nagin cler victur. La coaliziun da regenza conservativa dal primminister Malcom Turnbull ha pers surprendentamain blers sezs, entant che l’opposiziun da sanestra Labor ha gudagnà vitiers.

Tenor emprims resultats vegn la coaliziun sin 72 sezs, l’opposiziun sin 66. Uschia manchentan omaduas partidas la maioritad absoluta en il parlament cun 150 mandats.

Cun il resultat definitiv èsi da quintar fin mardi, cura che tut las vuschs a scrit èn er dumbradas or.

RR novitads 20:00