Siglir tar il cuntegn

Header

Navigaziun

Purtret da Scott Morrison.
Legenda: Il primminister da l'Australia, Scott Morrison vul leschas pli severas per medias socialas. Keystone
cuntegn

Exteriur Australia examinescha leschas pli severas per medias socialas

Suenter l'attatga terroristica sin duas moscheas a Christchurch en Nova Zelanda vul l'Australia reglas pli severas per medias socialas.

En la proposta che la regenza vul preschentar l'autra emna al parlament èn previs chastis da fin a 3 onns praschun u lura fin a 10% da la svieuta. Quai sche videos u purtrets da violenza na vegnan betg stizzads ad ura.

Las grondas medias socialas èn responsablas per che terrorists na pon betg malduvrar lur tecnologias.
Autur: Scott MorrisonPrimminister da l'Australia

La regenza da l'Australia saja s'inscuntrada ils ultims sis cun represchentants da Facebook ed auters concerns d'internet. Il resultat na cuntentia dentant betg. Els na sajan betg vegnids cun schliaziuns sveltas per respunder las dumondas che l'attatga terroristica da Christchurch haja sveglià.

Tar l'attatga dals 15 da mars 2019 èn mortas 50 presunas. L'attentader aveva mussà l'attatga live sin Facebook. Quai ha dà enorma critica. L'Australia vul er tematisar co i vegn ì enturn cun violenza en medias socialas, a l'inscunter dals G20 en Giapun.

RR novitads 06:00