En l’Australia duai il referendum davart il dretg da cogestiun per la populaziun indigena dals Aborigins avair lieu ils 14 d’october. Quai ha annunzià il primminister Anthony Albanese. El ha appellà a las votantas e votants da dir Gea al referendum.
Concret vai per ina midada da la constituziun che stgaffa in gremi d'Aborigins en la regenza. Quel duai consultar la regenza en dumondas che pertutgan il pievel indigen. Sumegliantas instituziuns existan gia per il pievel dals Sami en la Scandinavia ed en auters lieus sin il mund.
Dals radund 26 milliuns abitants ed abitantas da l'Australia èn bunamain in milliun Aborigins. Blers dad els vivan a l’ur da la societad.