Il primminister da l'Australia d'enfin quà, Malcolm Turnbull è sa retratg suenter revoltas en l'atgna partida. L'um da 63 onns ha dà giu il presidi da la partida conservativ liberala regenta ed uschia era gist l'uffizi da primminister. Ils delegads da la partida han elegì il minister da finanzas da fin qua, Scott Morrison, sco nov schef da partida e primminister. Morrison ha 50 onns e vala sco represchentant moderà da sia partida. Quella stat per ina politica conservativa en fatgs socials e da finanzas.
En l'Australia na vegn il primminister betg elegì da la populaziun. Tradiziunalmain è il schef da la partida regenta era gist primminister. Il schef da la regenza po per consequenza er perder ses uffizi pervi da roschadas aifer la partida – sco succedì en quest cas.
RR novitads 06:00