Tar ina ina lavina en las alps da l'Ötztal en l'Austria èn mortas trais persunas. In'ulteriura persuna sajan è anc en l'ospital, ha ditg il salvament da muntogna envers l'agentura da novitads APA. Indicaziuns uffizialas na datti anc betg.
L'emprim avevan las autoritads anc supponì che fin a 18 persunas sajan pertutgadas. Quest dumber n'è però betg sa verifitgà. 17 persunas eran en la vischinanza dal lieu da la lavina, las bleras n'eran dentant betg pertutgadas da la lavina ch'era vegnida a val sin la ruta vers la chamona da Martin-Busch sin passa 2500 meters sur mar.
Las lavurs d'agid sajan fitg ristgusas, perquai ch'i regia il mument in grond privel da lavinas en las alps tirolaisas. Ellas han era stuì vegnir interruttas per siglientar ulteriura naiv che smanatschava da sballunar en il lieu da las lavurs da salvament.