Siglir tar il cuntegn

Header

cuntegn

Austria Avertiment da viadi per il Tirol

Las mutaziuns dal coronavirus na fan betg mo quitads a las autoritads svizras. L’Austria ha per exempel gist avertì sia populaziun da viagiar en il Tirol.

Il stadi federativ sez ha annunzià il glindesdi in entir pachet da mesiras per cumbatter las infecziuns cun la varianta sidafricana dal virus. En regiuns cun bleras infecziuns duai l'entira populaziun vegnir testada. Ultra da quai ston tut ils osps che vulan ir cun skis, mussar in test negativ.

Sco i para na cuntentan quellas mesiras dentant betg la regenza a Vienna. Sper l'appel da betg viagiar en il Tirol appellescha ella a tut ils osps, ch’èn stads las ultimas duas emnas en quella regiun, da far in test. Il medem valia era per tuttas persunas che veglian viagiar dal Tirol en in'autra regiun da l'Austria.

Schluccà lockdown

Malgrà la situaziun delicata en il vest dal pajais ha l’Austria schluccà quest glindesdi il lockdown che valeva las ultimas 12 emnas. Stizuns, coiffeurs e museums dastgan puspè avrir. I valan dentant bunamain dapertut reglas d’igiena severas, sco in obligatori da purtar mascrinas da FFP2.

audio
Per tadlar curt e cumpact
ord RTR Audio dals 08.02.2021.
laschar ir. Durada: 1 minuta 11 Secundas.

RTR novitads 17:00

Artitgels legids il pli savens