Austria - Dunna mora suenter explosiun en chasa a Vienna
Suenter in'explosiun en ina chasa da pliras famiglias en il center da Vienna han ils pumpiers chattà en las ruinas ina dunna morta. Tenor indicaziuns dals pumpiers han ins chattà la dunna la notg aifer il bajetg. Vitiers hajan ins localisà ina segunda persuna sut las ruinas.
Legenda:
Duas chasas èn per part crudadas ensemen.
Keystone
2 / 3
Legenda:
Duas chasas èn sballunadas per part sur pliras auzadas.
Keystone
3 / 3
Legenda:
Ils pumpiers han chattà fin uss ina dunna morta. In'ulteriura persuna han els localisà en las ruinas.
Keystone
Ils pumpiers èn il mument vid empruvar da deliberar questa persuna localisada en las ruinas. Tar l'explosiun èn duas chasas sballunadas sur diversas auzadas. Pertutgadas èn 22 abitaziuns nua che 42 persunas vivan. Almain 14 persunas èn blessadas, duas da quellas grevamain. Probablamain haja gas chaschunà l’explosiun, han ditg ils pumpiers.
