Siglir tar il cuntegn

Header

cuntegn

Exteriur Austria: Elecziun dal president ils 2 d'october 2016

Quest termin per la repetiziun da l’elecziun decisiva ha annunzià il chancelier austriac Christian Kern. L'elecziun dal president dal stadi austriac sto vegnir repetida pervi d'irregularitads cun dumbrar ora las vuschs. Quai ha decis la dretgira constituziunala a Vienna.

La partida populista FPÖ n'ha betg vulì acceptar la terrada da l'elecziun decisiva per il president dal stadi. Alura è la partida ida la via giuridica ed ha appellà a la dretgira constituziunala austriaca.

Il punct decisiv era la dumbraziun da las vuschs a scrit. Avant era il candidat da l’FPÖ Norbert Hofer en avantatg. Alura ha il candidat independent ed anteriur commember da la partida verda Alexander Van der Bellen fatg la cursa cun in avantatg da 31’000 vuschs.

Omadus candidats cuntents

Il candidat independent Alexander Van Der Bellen sa mussa er optimistic per la repetiziun da l’elecziun. Sch’el haja gia gudagnà ina giada sut cundiziuns difficilas, possia el er far quai ina segunda giada.

Il candidat da la FPÖ, Norbert Hofer, sa declera levgià da la sentenzia. I saja bun che la dretgira constituziunala haja chattà ina decisiun objectiva en chaussa.

RR novitads 14:00

Artitgels legids il pli savens